പെണ്‍കുട്ടി കുട്ടികളുടെ ശാക്തീകരണം
ഭീമ തേജസ്വിനീ പദ്ധതിക്ക് തുടക്കമായി
പെണ്‍കുട്ടികളുടെ ശാക്തീകരണം ലക്ഷ്യമാക്കി ഭീമാ തേജസ്വിനി പദ്ധതിക്ക് ബാലരാമപുരം ഗവ .ഹയര്‍ സെക്കന്‍ഡറി സ്കൂളില്‍ തുടക്കമായി .തിരുവനന്തപുരത്തെ പ്രമുഖ സ്വര്‍ണ വ്യാപാര സ്ഥാപനമായ ഭീമാ ജുവലറിയുടെ ആഭിമുഖ്യത്തിലാണ് പദ്ധതി നടപ്പിലാക്കുന്നത് .സംസ്ഥാന തല ഉദ്ഘാടനം മലയിന്‍കീഴ് സര്‍ക്കാര്‍ ഗേള്‍സ് ഹയര്‍സെക്കന്‍ഡറി സ്കൂളില്‍ മന്ത്രി ശ്രീ. കടകംപള്ളി സുരേന്ദ്രന്‍ ഉദ്ഘാടനം ചെയ്തു .ജില്ലയിലെ തെരഞ്ഞെടുക്കപ്പെട്ട അഞ്ച് സ്കൂളുകളെ പദ്ധതിയില്‍ ഉള്‍പ്പെടുത്തിയിട്ടുണ്ട് .ഇതനുസരിച്ച് സ്കൂളിലെ അക്കാദമിക് സൗകര്യം മെച്ചപ്പെടുത്താന്‍ വിവിധ പരിപാടികള്‍ നടപ്പിലാക്ക്കും .ആദ്യ ഘട്ടമായി തെരഞ്ഞെടുത്ത 13 കുട്ടികള്‍ക്ക് പതിനായിരം രൂപ വീതം സ്കോളര്‍ഷിപ്പ് നല്‍കി .നിര്‍ധനരായ കുട്ടികളെയാണ് ഇതിനായി തെരഞ്ഞെടുത്തത് .
രണ്ടാം ഘട്ടമായി സ്കൂളില്‍ വാട്ടര്‍ പൂരിഫെയര്‍ സ്ഥാപിക്കും .കുട്ടികള്‍ക്കും അധ്യാപകര്‍ക്കും ശുദ്ധീകരിച്ച ചൂട് വെള്ളം എല്ലായിപ്പോഴും നല്‍കാനാണ് പദ്ധതി .തുടര്‍ന്ന് ആവശ്യകത കണ്ടറിഞ്ഞു പദ്ധതികള്‍ നടപ്പിലാകും .ജനപ്രതിനിധികളും വിദ്യാഭ്യാസ പ്രവര്‍ത്തകരും പങ്കെടുത്ത സമ്മേളനത്തില്‍ വെച്ചു അധ്യാപകന്‍ എ എസ് മന്‍സൂറും എസ് എം സി ചെയര്‍മാന്‍ എ എസ് ഹുസൈനും ചേര്‍ന്ന് ലോഗോ ഏറ്റു വാങ്ങി .ഭീമാ ജ്വല്ലറി സ്ഥാപക ദിനാചരണ ത്തിന്‍റെ ഭാഗമായാണു പദ്ധതി നടപ്പിലാക്കുന്നത് .ജൂലായ്‌ 27 നാണ് പരിപാടി നടന്നത് .
No comments:
Post a Comment