അക്ഷരഭാവിക്കായി അധ്യാപകദിനത്തില്‍
അധ്യാപക കൂട്ടായ്മ
1998 ല്‍ സര്‍ക്കാര്‍ ഹൈസ്കൂള്‍ ഹയര്‍സെക്കന്‍ഡറി ആയി മാറിയപ്പോള്‍ പ്രിന്‍സിപ്പല്‍ ആയി മാറിയ മികച്ച ഇന്‍ഗ്ലീഷ് അധ്യാപിക കുസുമകുമാരി അമ്മ ടീച്ചര്‍ ,ഭര്‍ത്താവും മുന്‍ഹെഡ്മാസ്തരും ആയ ഗോപാലകൃഷ്ണന്‍ സാര്‍ ,,മുന്‍ പ്രഥമ അധ്യാപകന് രാധാകൃഷണന്‍ നായര്‍,വിജയധരന്‍സര്‍ ,കലാകാരനും ദീര്‍ഘകാലം അധ്യാപകനുമായിരുന്ന പീതാംബരന്‍സര്‍ ,സുമംഗല ടീച്ചര്‍ ,കഴിഞ്ഞ വര്‍ഷം വിരമിച്ച ഗീത ടീച്ചര്‍ ,രാധാമണി ടീച്ചര്‍ ,കോമളവല്ലി അമ്മ ,രാജാമണിസര്‍ ,വേലപ്പന്‍ ആശാരി ,അബ്ദുല്‍ കലാം ആസാദ് ,ജി .പുഷ്പവതി ,എന്‍ ഡി വസന്ത ,.കൃഷ്ണന്‍ കുട്ടി ,സി ലീല ,അബ്ദുല്‍ അസീസ്‌ ,മുന്‍ പ്രഥമ അദ്ധ്യാപിക പ്രസന്നദാസ് ,കൊച്ചുകുഞ്ഞന്‍ നാടാര്‍ ,ഭാര്യയും അധ്യാപികയുമായ ക്രിസ്ടി ഫ്ലോറി ,കെ ,ഗോപി ,മുന്‍ അധ്യാപികയും ഡി ഇ ഒ യുമായി വിരമിച്ച ശാന്തടീച്ചര്‍ അങ്ങനെ വിദ്യാലയ മുറ്റം വിട്ടിറങ്ങിയവരുടെ ഒത്തു ചേരലായി ,2016 സെപ്തംബര്‍ 5 ലെ അധ്യാപക ദിനാചരണം .ഗത കാല സ്മരണകള്‍ പങ്കുവെച്ചും പരസ്പരം ആശ്ലേഷിച്ചും സൗഹൃദം പങ്കിട്ടും അവര്‍ ഒത്തുകൂടിയപ്പോള്‍ അത് അക്ഷര ഭാവിയുടെ അധ്യാപക കൂട്ടായ്മയായി മാറി .നൂറ്റാണ്ടു പിന്നിട്ട നമ്മുടെ സ്കൂളിന്‍റെ ചരിത്രത്തില്‍ ആദ്യമായാണ് മുന്നേനടന്നവര്‍ക്ക് ഒത്തു കൂടാന്‍ അവസരം ഒരുക്കിയത് .പ്രായാദിക്യം ബാധിച്ചവര്‍ ശിഷ്യന്മാരുടെ സഹായത്തോടെയാണ് സംഗമത്തിന് എത്തിയത് .
3500 കുട്ടികളും 113 അധ്യാപകരുമുള്ള ഈ വിദ്യാലയത്തെ വെറുമൊരു ആള്‍കൂട്ടതിനപ്പുറം മനുഷ്യനന്മയുടെ വറ്റാത്ത ഉറവയാക്കി മാറ്റാന്‍ അധ്യാപക സമൂഹത്തിന് കഴിഞ്ഞിട്ടുണ്ടെന്ന് സംഗമം ഉദ്ഘാടനം ചെയ്ത ജില്ലാ പഞ്ചായത്ത്‌ അംഗം എസ്. കെ പ്രീജ പറഞ്ഞു .
പങ്കെടുത്ത എലാ അധ്യാപകരെയും പൊന്നാട ചാര്‍ത്തി ആദരിച്ചു .ഗ്രാമപഞ്ചായത്ത് പ്രസിഡന്റ് ആര്‍ .എസ് വസന്തകുമാരി അധ്യക്ഷയായി .ഗ്രാമ പഞ്ചായത്തംഗം എ എം സുധീറും ഐ കെ സുപ്രിയയും ചേര്‍ന്ന് അധ്യാപകര്‍ക്ക് റോസാ പുഷ്പങ്ങള്‍ നല്‍കി വരവേറ്റു .പി ടി എ പ്രസിഡന്റ് എം ഷാനവാസ് ,ബ്ലോക്കംഗം ഡി സുരേഷ് കുമാര്‍ ,എസ് ജയചന്ദ്രന്‍ ,എസ് കെ സുരേഷ് ചന്ദ്രന്‍ ,എ എം ഇസ്മയില്‍ ,എ എസ് മന്‍സൂര്‍ ,ഡോ.ബോവസ് എന്നിവര്‍ പ്രസംഗിച്ചു .ഹെഡ് മാസ്റെര്‍ സി ക്രിസ്തുദാസ്‌ സ്വാഗതവും പ്രിന്‍സിപ്പല്‍ അമൃത കുമാരി നന്ദിയും പറഞ്ഞു ,കുമാരി ഹിസാന ഫാത്തിമ ഈ ദിനത്തില്‍ പ്രഥമഅധ്യാപികയായി .കുട്ടികള്‍ ക്ലാസുകള്‍ നയിച്ചു .അസ്സെംബ്ളി നടത്തിയതും അധ്യാപകര്‍ തന്നെ .
എല്ലാ വര്‍ക്കും സ്നേഹ വിരുന്നും ഒരുക്കിയിരുന്നു
